Babae nanganak sa kanyang Kasal sa Cebu

CEBU. Paramedics escort Beatriz Largo-Sayloon from a mass wedding in the St. Francis of Assisi Parish in Naga City to a clinic just across the street, where she gave birth to a girl. Mother and baby are both safe. 

Cebu - USA ka 24-anyos nga babaye nanganak atol sa kasal nila sa iyang bana kagahapon sa buntag sa Archidiocesan Shrine of St. Francis of Assisi sa dakbayan sa Naga.

Si Beatriz Largo-Sayloon, 24, malipayon kay kaslon na sila sa iyang kapuyo nga si Ruben human sa upat ka tuig.

Sila si Sayloon ug ang iyang pamanhunon apil sa 138 ka mga magtiayon nga kaslon sa usa ka mass wedding nga gipaluyohan sa Dakbayan sa Naga.

Apan tungod tingali sa iyang kalipay, kalit siyang nagbati taliwa sa seremonyas kagahapon dihang mobutang na unta sila sa ilang wedding rings.

Kalit kaayo nga gisakitan og maayo sa tiyan si Sayloon.

Ang paramedics nga gi-assign gawas sa simbahan, daling nisusi kang Sayloon.

Nitug-an siya nga duna nay niagas nga tubig nga timailhan nga siya manganak na.

Dali siyang gidala sa Vicente Mendiola Memorial Clinic, nga nahimutang atbang sa simbahan.

Sa wa pa siya dad-a sa clinic, ang mga pari nga gipangulohan ni Rev. Fr. Ricardo
Canete nibendisyon una sa wedding rings ug gipapirma sila sa ilang marriage contract.

Ang bata, nga usa ka babaye, unang anak ni Sayloon tali sa iyang bana.

Duna siyay laing duha ka mga anak sa iyang unang relasyon.

Ang iyang bana nga si Ruben wa makatingog dihang gipangutana sa mga reporter kon unsa ang iyang gibati.

Nagplano siyang nganlan ang bata og Roseby o Rubely, depende kon unsay ilang masabutan sa iyang asawa.

Si Lilith Sayloon, iyaan ni Ruben, niingon nga iyang giisip ang insidente nga suwerte kay nahitabo kini atol sa kasal.

“Pirte gyung swerteha. Panagsa ra kaayo ni mahitabo”, matod ni Lilith.

Ang mass wedding kagahapon tipik na nga tradisyon sa Dakbayan sa Naga kon magsaulog sila sa ilang charter day matag tuig.

Matod ni Naga City Mayor Valdemar Chiong nga sa tulo ka tuig nga nagpahigayon sila og mass wedding, una kining higayon nga dunay bride nga nanganak atol sa seremonyas.

Gawas kang Chiong, pipila sa mga sponsor mao sila si Cebu Gov. Hilario Davide III, Vice Gov. Agnes Magpale, Cebu Rep. Gerald Anthony “Sam­sam” Gullas (Cebu, First District) ug mga sakop sa Naga City Council pinangulohan ni Vice Mayor Delfin Senor.

Tweet