Kung sa primetime series noon ng ABS-CBN na Mara Clara ay kontrabida si Jhong Hilario, ngayon ay bida na siya sa bagong serye na Little Champ.
May kaba factor ba ito sa kanya?
Sagot ng dancer turned actor, “Unang-una, mabait ang role ko dito. Hindi naman totally nag-adjust.
“Nakagawa na rin tayo ng mga mababait na role sa MMK [Maalaala Mo Kaya]. Medyo nahasa na ako sa MMK.
"Yung adjustment, medyo hindi na ganoon kalaki.
"Lahat naman ‘yan napag-aaralan. Ako, talagang pinag-aralan ko ang character ko.
"Alam kong wala pa akong anak, pero dito, tatay na ako ni JB.
“Pero sa dami ng pamangkin ko na twenty-seven, nakita ko na lumaki…
“So, hindi ninyo maiaalis sa akin na alagaan sila, pakainin sila, ilibre sila, bilhan sila ng mga toys…
“Kaya hindi na ganoon kahirap yung adjustment.
Nakausap ng PEP.ph (Philippine Entertainment Portal) si Jhong sa presscon ngLittle Champ sa ELJ Building ng ABS-CBN noong Biyernes, March 23.
CO-STARS. Tampok din sa Little Champ ang bagong child actor na si JB Agustin, si Senator Lito Lapid, at ang isang nagsasalitang kabayo.
Kumusta naman katrabaho si Senator Lapid?
“Dream come true, kasi isa siya sa mga motivation ko para mag-aral mag-tumbling.
"Talagang Ben Tumbling pa lang, idol na idol ko na ‘yan.
“Kung kasikatan ang pag-uusapan, sobrang sikat niya dati pagdating sa action.
“Masarap na experience na makasama si Senator,” sabi ng dating miyembro ng dance group na Streetboys.
0 comments:
Post a Comment