Cebu - Usa ka dolphin ang midagsa sa baybayon sa Tungkop Minglanilla Cebu October 24, 2013 sa hapon. Ang dolphin gibana-banang may gitas-on nga 3 meters. Ang mga residente sa daplin sa Palm Beach Resort sa Tungkop unang nakakita sa dolphin og giingon nga luya na kini. Pipila ka higayon nga gitulod pailawm sa brgy officials og mga residente ang maong dolphin apan mobalik gihapon kini. Gitawagan dayon ang BFAR officials aron mainspeksyon ang maong dolphin. Mga 7pm na sa gabii naabot ang BFAR og ila kining gidala sa ilang buhaton aron madapatan og saktong tambal pagkahuman kay ibalik kini as kadagatan.
Giingon nga ang maong dolphin dunay kauban apan ang usa niini daling nakalangoy sa ilawm ug ang usa maoy nagpabilin sa daplin. Ang opinyon sa uban mao nga ang dolphin gikan kini sa kadagatan sa Bohol og naapektuhan kini sa nahitabo nga linog niadtong October 15 diin Magnitude 7.2 ang miigo sa Bohol.
cebu admin
0 comments:
Post a Comment